Made Jeung Tony Ngabagéakeun Piala Dunia

PialaDunia-Jakarta

Dua pemain Persib, I Made Wirawan jeung  Tony Sucipto Salasa kamari teu bisa latihan alatan diondang  hadir ngabagéakeun trofi Piala Dunia FIFA nu disimpangkeun ka Jakarta.

Kitu info ti pelatih Djadjang Nurdjaman. Ceuk inyana, éta dua pamaén ngajugjug Jakarta pikeun nedunan ondangan acara FIFA World Cup Trophy Tour 2014 anu lumangsung di Jakarta Convention Center (JCC).

Pakuat-pakait jeung kadatangan trofi Jules Rimet anu dikawal ku manten striker Manchester United, Dwight Yorke,  Djadjang miharep hal ieu bisa ngamotivasi para pamaén sepak bola di Indonesia. Maranéhna sina kadorong sumangetna ngaronjatkeun kaarum ngaran Indonesia di kancah Piala Dunia.

“Tangtu wé reueus,” sambung Djadjang. Mudah-mudahan jadi motivasi pikeun insan sepak bola Indonesia ku disindangkeunna trofi Piala Dunia ka Jakarta. Sahenteuna, , bisa ngaronjatkeun sumanget, yén dina hiji wanci urang bisa ilubiung di Piala Dunia.

Teu béda jeung Djadjang, Made ogé ngajadikeun ieu ondangan sabagé motivasi boh keur pribadi boh keur pamaén Timnas Indonesia. “Harepanna, mudah-mudahan jadi pangdorong sumanget pikeun para pamaén Indonesia sangkan dina hiji waktu bisa tandang di ajang Piala Dunia.” Kitu ceuk Made. Bobotohcoid/pPersibcoid/ar.-

Komentar

bobotoh.id

Persib, bobotohnya, serta kejadian aktual sa alam dunya!

Leave a Reply

Your email address will not be published. Required fields are marked *

Time limit is exhausted. Please reload CAPTCHA.