Teranyar

    Melajo Persib vs Persija Yang Pertama dan Mungkin Terakhir!

    26 September 2018 20:01
    Di hari itu, hate nu tadina sumringah ngadadak jadi panas ngaheab pas aya kabar beredar info big match Persib vs Persija dinyatakeun aya pengunduran ku sabab pihak Polisi teu ngijinan. Kabar anu pasaliweran di medsos makin nyieun suasana nu tadina tiis jadi rada ngaheab. Perang argumen terus-terusan aya di setiap akun nu nyatakeun kabar eta, meme-meme pasaliweran nandakeun bahwa poe ieu suasana jadi riweuh.

    Termasuk Sim Kuring nu tos nyiapkeun 'alat tempur' ti mulai kupluk, syal, jeung jersey PERSIB nu anyar, nu kakara balanja ti Bobotoh Store pas keur ulin ka Punclut. Di dinya Sim Kuring rada keuheul ku sabab rencana nyetadion nu pertama bisa gagal.

    Ieu Rame Lur: 

    #Respect Nongkrong Bareng UHA Dihadiri Manajer Persib, Supardi, Juga Petinggi Bobotoh!

    Gomez Menyarioskeun Sanksi Akibat Insiden GBLA

    Tapi alhamdullilah berkat Wa Haji Umuh jeung koordinasi nu apik ti pengurus sareng pupuhu, ti sadaya elemen nu ngadukung Persib tiasa ngalobi supaya pertandingan teu diundur. Ngan dipajukeun jam-na jadi beurang.

    Yesss didinya Sim Kuring bungah kacida, ku sabab rencana perdana nyetadion tiasa kalaksana. Tapi nyatana drama can beres, ku sabab Sim Kuring aya di luar Bandung jeung teu acan asup Distrik mana-mana.

    Ieu Rame Lur: 

    Sanksi Mengjungjurigan, Persib Fokus Hadapi Madura Utd.

    Sanksi Mengjungjurigan Persib, Gomez: Pemenang Ditentukan Di Lapangan, Bukan Di Ruangan!

    Sim Kuring kasusahan nyiar tiket, tiket onlen ku 1 jam doang seep bersih teu nyesa. Whatsapp, DM jeung SMS ka akun-akun Distrik geus dicoba diusahakeun demi meunang tiket nu bagai berlian di kala eta. Tapi hasilna nihil alias sold out, malah aya oge ditawaran tiket Kebon Binatang Bandung, tiket Pijat Plus-Plus jeung Tiket Persib Nu Jaman Baheula.

    Hate nu tadina sumanget ngadadak leleus jeung putus asa, rencana ek ngadukung kebanggaan langsung sirna. Tiket asa jadi berlian nu kacida langkana, tapi nya ieu bumbu-bumbu nu nyieun laga ieu penuh drama.

    Ahad, 23 September 2018, jam 9 isuk, pun bapa mere salAmbar amplop. Teu disangka-sangka di jero eta amplop ternyata eusina tiket PERSIB Vs Persija!

    Hate nu tadi na gundah-gulana tiba tiba sumringah bungah kacida. Alat tempur keur nyetadion langsung di buskeun ka ransel. Beres siap-siap langsung cuss ka terminal nyegat Bus Primajasa. Jam 12.00 Sim Kuring nepi ka GBLA, stadion kabanggaan Jawa Barat.

    Stadion nu biasa ditingal ngan di TV, dina poe simkuring bisa nincakkeun diri di GBLA. Demi Allah-na bungah sumringah kacida ku sabab poe ieu sejarah keur Sim Kuring bisa nonton PERSIB nu pertama kalina di Stadion GBLA.

    Bobotoh nu lain rea-rea pada datang, aya nu pake beus, motor, mobil datang beriringan bari jeung terus-terusan nganyanyikeun yel-yel tur kanggo kabanggaan bari antri nungguan gate dibuka.

    Langkah demi langkah ku Sim Kuring tempuh, padesek-desek, padorong-dorong jadi pangalaman anu berharga di poe eta. Najan di gerbang nepi ka jero stadion pasedek-sedek, tapi lain halangan keur nyaksikeun Persib.

    Saatna tiba tim Persib mulai masuk lapangan dibarengan Koreo nu kacida endahna. Sim Kuring takjub bungah tur bangga bisa nyaksikeun langsung koreo nu biasana ngan katempo dina layar kaca.

    Kick Off dimulai dibarengan pertandingan nu langsung tensi panas. Can aya 5 menit geus aya Kartu Kuning. Nyanyi, ngagorowok neror jadi pangalaman pertama di jero stadion nu paling berkesan poe eta.

    Tiba saatna King Aliando nga-go- keun nu kahiji, Sim Kuring refleks luncat bungah bari jeung selebrasi layakna kuring nu ngagulkeun. Hate sumringah bungah nu teu katulungan, dag-dig-dug rasa melang terus-terusan karasa, firasat ka asupan ternyata bener di menit akhir babak kahiji.

    Tapi hate najan melang tetep optimis Persib meunang. Babak kadua dimulai, permainan ayeuna rada tiis tensina, Persib bisa enjoy ulinken bola najan kadang loba ka otong na oge ngan teu loba teuing.

    Drama nu nyieun suasana panas, strategi Abah Gomez ge katingal berkembang, operan rada ngeunaheun. Bobotoh makin kenceng nyanyi jeung ngagorowok sangkan mere dukungan nepi ka saatna aya hendsbol di kotak pinalti.

    Di dinya Sim Kuring ngadoa sangkan Bauman bisa ngabuskeun gul nu kadua, daaaaannn.............. yesssss guuuuulllllll. Sim Kuring ngadadak luncat deui bari selebrasi jeung ngagorowok. Tapi euforia eta teu lila ku sabab aya gol balesan deui.

    Hate melang tur galau sieun pertandingan berakhr draw. Menit demi menit kaliwat, drama di tengah lapang makin panas, loba pelanggaran nu nyebabkeun pamaen gogoleran. Tapi bobotoh tara pernah eureun mere sumanget ka Persib.

    Nepi ka akhirna perpanjangan waktu. Dina hate geus pasrah mun akhirna draw. T api di detik-detik terakhir aya pelanggaran kabeh pamaen maju.

    Mang Bojan maju, Igbonefo maju ka kotak penalti, bola ditendang terus disundul daaaann beeeeeeeeeeeemmmm. Mali lumpat norojol ti tukang nyundul bola terus goooolllllll.

    Kabeh bungah, kabeh selebrasi, kabeh ngungkapkeun kagembiraan. Kuring bungah nepi ka reumbay cai mata, ku sabab mimiti ka stadion, mimiti nyanyi bareng, ngagorowok bareng di tribun jeung bisa ningal Persib meunang.

    Euforia terus karasa, rasa bangga , rasa bungah terus terusan karasa. Merinding, takjub jeung sajabana teu bisa diungkapkeun pas moment Viking Clap jeung nyanyi bareng lagu 'Kami Biru'.

    Alhamdulillah kuring balik ka lembur ku ka bungahan ku sabab Persib meunang. Rasa bungah jeung rasa suka saketika rada goyah ku sabab pas muka sosmed aya kabar bahwa aya supporter lain nu maot di stadion.

    Kabungahaan saketika robah jadi duka-cita, kabungahaan nu tadi terasa hampa. Pas nepi imah pun bapa nungguan di lawang bari pinuh kamelang, ku sabab pun Bapa apal aya kajadian nu meninggal di stadion.

    Teu lila kabahagiaan, kabungahan ngadadak jadi rasa kuciwa nu kacida ku sabab pun Bapa ngalarang kuring ka stadion deui.

    Kuring sapeupeuting teu bisa sare. Antara bungah, sedih jeung kecewa. Ternyata poe eta, poe pertama dan mungkin nu terakhir keur kuring lalajo Persib di stadion. Pangalaman berharga dina poe eta mungkin jadi kenangan.

    Hatur nuhun PERSIB, Hatur nuhun GBLA, hatur nuhun Sadayana. PERSIB JUARA

    Turut Berduka Cita, Mudah Mudahan ini yang terakhir

    Kita Jangan saling Menyalahkan tapi kita Harus Saling Rangkul karena Kita Indonesia. (Bobotoh.ID/RCK)

    Ditulis oleh P. A Septiadi, Bobotoh Taat Orang Tua Asal Kota Goyang dengan akun Twitter @ciingseptiadi

    Redaksi mengundang Bobotoh untuk menulis. Kirimkan tulisan sepanjang 1-2 halaman Microsoft Word atau 250-500 kata ke email idbobotoh.redaksi@gmail.com.

    Redaksi berhak melakukan penyuntingan atas setiap tulisan yang ditayangkan dengan tidak mengurangi atau mengubah esensinya.Tulisan tidak harus sependapat dengan kebijakan redaksi sepanjang tidak menyinggung unsur SARA dan bernada hasutan/provokasi.
    Loading...


    Cik, Naon Komentarna?





    Ayo Dibeli